Portada Sociedá Madrid va dar accesu gratis a la cultura municipal a los menores de 26 años

Madrid va dar accesu gratis a la cultura municipal a los menores de 26 años

by redacción asturnews

Unos 330.000 mozos d’ente 16 y 26 años empadronaos en Madrid van poer aportar de baldre de llunes a vienres dende’l 23 d’ochobre a espectáculos de teatru, música clásica, danza o cine programaos nes Naves del Mataderu, Teatru Español, Teatru Fernán Gómez, Conde Duque, Teatru Circu Price y Cineteca.

La mocedá va poer tener accesu a estos espectáculos de la mano de JOBO, l’abonu nuevo cultural presentáu esti llunes pola alcaldesa, Manuela Carmena, y la vocera socialista nel Conceyu, Purificación Causapié. El bonu podrá utilizase a partir del 23 d’ochobre y hasta el 31 d’avientu de 2018 nes taquilles de los seis grandes espacios culturales municipales. Nesta primer fase, estos espacios van ufiertar hasta un máximu del 25 per cientu de les sos entraes pa les persones que cunten col JOBO. El rexistru va poder faese tanto online, en www.madridcultura.es, como presencial na Casa de la Panadería de la Plaza Mayor dende’l 23 d’ochobre.

Los usuarios de JOBO van poder aportar a una sesión por espectáculu y la gratuidá nun se va aplicar a espectáculos o eventos que, a pesar de realizase nestos centros, nun fueren programaos dende la área de Cultura y Deportes del Conceyu de Madrid. El so presupuestu ye de 4 millones d’euros, cantidá cola que se va cubrir parte de taquilla correspondiente a la gratuidá de les entraes. Esta primer fase va ser evaluada pa determinar la so posible ampliación de públicos, espacios y díes.

Tamién te podria gustar