Portada Música Madonna va abrir la so nueva xira europea’l próximu xineru en Lisboa

Madonna va abrir la so nueva xira europea’l próximu xineru en Lisboa

by redacción asturnews

La cantante estadounidense Madonna va presentar el so nuevu discu, “Madame X”, los díes 16, 18 y 19 de xineru de 2020 nel Coliséu de la capital portuguesa.

La cantante estadounidense Madonna va abrir la xira europea del so nuevu discu, “Madame X”, los díes 16, 18 y 19 de xineru de 2020 nel Coliséu de Lisboa, ciudá qu’inspiró dalgunos de los ritmos del so últimu trabayu. Les entraes, con precios que bazcuyen ente los 75 y los 400 euros, van poner a la vienta esti sábadu 25 de mayu, informó güei la promotora lusa “Everything is New”.

Dempués de Portugal, la reina del pop, de 60 años, va actuar hasta febreru de 2020 en Londres y París, les dos úniques ciudaes europees que va visitar amás de la capital lusa, polo que los conciertos en Lisboa van ser los más cercanos pa el siguidores españoles de l’artista.

“Madame X Tour”, que se va celebrar en sales de poca dimensión, va arrincar el 12 de setiembre en Nueva York, onde Madonna tien dolce conciertos previstos, a los que van siguir otros nes tamién ciudaes estadounidenses de Chicago, Los Ánxeles, Boston, Filadelfia y Miami.

La cantante, que xeneró discutiniu’l pasáu sábadu mientres la so actuación na final d’Eurovisión en Tel Aviv, onde xunió nel escenariu a baillarinos que portaben una bandera israelina y otra palestina, va publicar el 14 de xunu “Madame X”, el so decimocuartu álbum d’estudiu.

El discu foi grabáu mientres los postreros dieciocho meses en Portugal, Londres, Nueva York y Los Ánxeles, y ta influyíu pela ciudá de Lisboa, el llugar onde moró nos últimos años.

Ellaboráu cola collaboración del productor francés Mirwais, el nuevu discu presenta quince temes, ente los que s’atopa una versión de “Cara gostoso”, de la cantante portuguesa Blaya, que Madonna va interpretar en portugués cola brasileña Anitta, y “Medellín”, un dueto col músicu colombianu Maluma.

“Madame X”, que celebra “la llarga relación” de la cantante cola música y la cultura llatines, apunta’l comunicáu, inclúi cantares interpretaos en portugués, español ya inglés.

Tamién te podria gustar