L’últimu Conseyu Escolar del conceyu d’Uviéu amuesa un bon balance

L’últimu Conseyu Escolar del conceyu d’Uviéu amuesa un bon balance
21 avientu 11:19 2018 Imprimir

L’últimu Conseyu Escolar del conceyu d’Uviéu amuesa un bon balance pola gran medría na partida de beques de comedor a les qu’hai qu’añedir más de mil de beques d’almuerzos, qu’antes nun esistíen, y 1.200 de llibros,

Al entamu del alcuentru, la conceyala desglosó los datos que resumen esti exerciciu, nel que “la medría de les beques de comedor foi del 23% respectu al cursu pasáu y nel que’l presupuestu del próximu 2019 va ser de cuatro millones d’euros más, pasando de los 20 a los 24 millones”.

Respectu al balance de la conceyalía d’Educación, el so responsable destacó “la gran medría na partida de beques de comedor (5.400 axudicaes) a les qu’hai qu’añedir más de mil de beques d’almuerzos, qu’antes nun esistíen, y 1.200 de llibros. Y tamién destacar la importancia y el cambéu de los criterios d’axudicación, qu’agora se faen de forma muncho más xusta, na que se financia en función de los ingresos familiares”.

L’apertura de centros en periodos non lectivos, la situación nes escueles infantiles, con llistes d’espera, o la necesidá de más centros d’estes característiques, tamién formaron parte del orde del día del Conseyu Escolar, un órganu de consulta y asesoramientu nes cuestiones que’l Conceyu tenga de resolver nel exerciciu de la so competencia en materia educativo.

Ver Estadisticas HISTORICO

  Categories: