Portada Conceyos Ludovico preséntase nel Botánicu

Ludovico preséntase nel Botánicu

by redacción asturnews

Esti vienres, el Xardín Botánicu Atlánticu de Xixón, acueye una actuación de Ludovico, un proyeutu que dende l’añu 2002 vien alitando de la mano de dos de los músicos más reputaos d’Asturies, que decidieron xunise d’aquella pa formar unu de los dúos mas sorprendentes del panorama musical asturianu.

Javier Méndez, baxista de grupos como “El Sueño de Morfeo”, “Alex Ubago”, “Nuberu” o “Zapato Veloz”, llevaba tiempu perfeccionándose como hombre-orquesta, utilizando un sistema de pedales qu’él mesmu inventara y que-y dexaben tocar el baxu, la batería y cantar al empar. Cuando tuvo preparáu, reclutó al so indixebrable Álvaro Bárcena, guitarrista de grupos como, “Pablo Moro” o “Amón Ra” y asina nació “Ludovico”.

El grupu realizó, dende la so creación, cientos d’actuaciones por tola xeografía asturiana y per Madrid, Barcelona, Galicia, País Vascu, etc,…que-yos fixeron merecedores d’una gran reputación de banda con escelente directu, risondera y orixinal.

El repertoriu del grupu ta integráu por versiones de clásicos que van dende los 60´s a l’actualidá, nel que podemos atopar estilos tan variaos que pueden dir dende los Beatles a AC/DC o dende Bee Gees a O2, destacando la versatilidad d’estos músicos de tan llarga trayectoria profesional.

Xardín Botánicu Atlánticu de Xixón
Places: aforu llindáu (apertura de la cortil d’accesu al eventu 1 hora antes del entamu de la sesión).
Cuando: 17 de xunetu de 2020 a les 13:30

Tamién te podria gustar