Lourdes Álvarez avanza la so poesía última nun cartafueyu

La escritora Lourdes Álvarez ta acabante espublizar una plaquette titulada “P’anular los adioses”, na que recueye dellos poemes qu’anticipen el so llibru próximu, un poemariu que va espublizar l’añu que vien por Ediciones Trea, dientro de la colección “Entregas a cuenta”. El llibrín pue consiguise de baldre en delles llibreríes d’Asturies, como Cervantes y Ojanguren, n’Uviéu, o Paradiso, en Xixón.