Portada Sociedá Los XVII Premios Xixón Impulsa celebren la so gala’l martes 21 d’avientu

Los XVII Premios Xixón Impulsa celebren la so gala’l martes 21 d’avientu

by redacción asturnews

Esti próximu martes, día 21 d’avientu, a partir de les 19:00 hores, va tener llugar dende’l Teatru de Llaboral Ciudá de la Cultura, la gala d’entrega de la XVII edición de los Premios Xixón Impulsa del Conceyu de Xixón.

INSCRÍBITE P’ASISTIR A LA GALA DE LOS XVII PREMIOS IMPULSA NESTI ENLLAZ

Anguaño, los galardones correspondieron a les siguientes empreses y empresarios y empresaries:

Premios impulsa 2021

Meyor Empresa de la Milla de la Conocencia Margarita Salas
PIXELSHUB S.L
El Xuráu destacó esta iniciativa por ser una empresa tecnolóxica intensiva en conocencia, creada como una spin off de la Universidá d’Uviéu que llegó a convertise en referente nel desenvolvimientu de proyectos y aplicaciones de realidá virtual, aumentada y mista para la visualización de datos dende l’ecosistema innovador qu’acueye la Milla de la Conocencia. Integrada por un equipu comprometíu y con perfiles multidisciplinares, presenta una alta capacidá para apurrir soluciones y un altu potencial de crecedera tanta nel mercáu nacional como internacional.

Meyor Empresa Cultural y Creativa
MESTIZU UNIVERSAL S.L.
El xuráu destacó esta iniciativa por ser una empresa creativa ya innovadora qu’apuesta por visibilizar y poner en valor la industria cultural como claru elementu de desenvolvimientu económicu y social. Integrada por un equipu promotor especializáu n’ufiertar servicios de producción, xestión artística y comunicación, atropa innumberables esperiencies, lo que-yos dexó crecer en distintes direcciones, sofitando y comprometiéndose non solo cola música sinón con cualesquier de les demás espresiones artístiques que conformen l’actividá cultural.

Categoría: Meyor Empresa Economía Azul
Premiu: TABLES SURF COMPANY S.L.
El xuráu decidió otorgar esti galardón a esta iniciativa que llogró convertise en referencia nel mundu del surf y deportes de deslizamiento sobro’l mar, constituyida por una segunda xeneración que parte del inicial negociu familiar. La so visión y capacidá innovadora llevó-yos a convertise na mayor tienda onliine de surf d’España, con un decidíu apueste pola inversión en tecnoloxía y les canales diegitales, creando la so propia marca de tables de surf al traviés de la cual comercializa los sos diseños llegando dende Xixón a veceros de too el mundu.

Categoría: Meyor Empresa Economía Verde Premiu:
ENFASYS S.L.
El xuráu destacó esta iniciativa por ser xuna empresa de base tecnolóxica, spin off de la universidá d’Uviéu, que desenvuelve soluciones de control nel ámbitu de la xestión eficiente de fluxos enerxéticos, almacenamientu y el autoconsumo en redes de distribución eléctrica. L’equipu promotor comprometíu cola sostenibilidá y eficiencia apurre un marcáu perfil técnicu y con esperiencia n’innovación ya investigación, con un modelu de negociu escalable presenta amás, xuna alta capacidá d’espansión a nivel nacional ya internacional.

Categoría: Muyer Empresaria Mención
d’Honor: Dª. YOLANDA TRABANCO
El xuráu decidió otorgar esti galardón a Yolanda Trabanco, directora de vientes, marketing y comunicación de Sidra Trabanco y directora del restorán Casa Trabanco y Eventos Trabanco, pol so tesón y dedicación a la empresa familiar, formando parte de la cuarta xeneración. Dende la so responsabilidá contribuyó al caltenimientu del legáu familiar apostando pola innovación, la diversificación y les nueves tecnoloxíes pa llograr afaese a los tiempos actuales ensin perder la esencia de la tradición, consiguiendo ampliar el catálogu de productos, llegar a otros públicos y abrir nuevos mercaos tantu nacionales como internacionales.

Categoría: Trayectoria Empresarial
Mención d’Honor: SISTEMES ESPECIALES DE METALIZACIÓN S.A.
El xuráu hai decido otorgar esta reconocencia a esta empresa pola so destacada trayectoria nel sector industrial de la nuesa ciudá. Dende los sos entamos nel añu 1956 nun taller en Veriña con un pequenu grupu de operarios, consiguió una crecedera continuo y sostenible llegando na actualidá a cuntar con 9 centros de trabayu distribuyíos en 3 comunidaes autónomes y xuna plantiya de más de 130 persones contrataes a tiempu completu y de forma estable. Referente nel sector de recubrimientos y tratamientos superficiales ye xuna empresa en constante evolución que fixo de la calidá, la innovación y la meyora continua les sos principales señes d’identidá.
Dende l’añu 2005 nel que tuvo llugar la 1ª Edición d’estos Premios, el Conceyu de Xixón vien apostando pola celebración d’esti eventu con calter añal, cola cuenta de fomentar y aguiyar el desenvolvimientu de la cultura entamadora, según potenciar la creación d’actitúes positives escontra la iniciativa empresarial, por aciu la reconocencia de les empreses y persones entamadores que destacaron en distintos ámbitos d’actuación, premiando y espublizando el talentu entamador presente na ciudá. A lo llargo d’estes ediciones premiáronse a más 100 d’empreses y proyectos empresariales, y recibíu más de 700 candidatures.

Tamién te podria gustar