Portada Lliteratura Los xueves de castilletes y carbón rematen con un recital esti xueves y un conciertu de Nuberu’l día 4 d’Avientu

Los xueves de castilletes y carbón rematen con un recital esti xueves y un conciertu de Nuberu’l día 4 d’Avientu

by asturnet

Esti xueves remata la programación de Los xueves de castilletes y carbón que vien desenvolviéndose esti mes na Casa los Alberti de Ciañu. D’esta forma, mañana día 28 de payares a les 20:00 hores va tener llugar un recital lliterariu de la mano de destacaos y destacaes escritores en llingua asturiana.

Esti recital enmárcase dientro les xornaes culturales De Castilletes y carbón que per cuartu añu consecutivu, organicen la Fundación Nuberu y l’Ayuntamientu de Llangréu y nél van participar Sofía Castañón, Pablo Antón Marín Estrada, Ana Rosa Fernández, Rubén d’Areñes y Chechu García. L’actividá de De castilletes y carbón remata’l 4 d’avientu, día de Santa Bárbara, con un conciertu del grupu Nuberu na Casa la Cultura de La Pola Llaviana.

Tamién te podria gustar