Los turistes yá pueden tomase ‘selfies’ gratis coles momies d’Exiptu

Los turistes yá pueden tomase ‘selfies’ gratis coles momies d’Exiptu
06 agostu 10:00 2019 Imprimir

Miles de turistes que s’atopen n’Exiptu atopáronse la selmana pasada cola prestosa sorpresa de que yá nun tienen que pagar pa sacar fotografíes nos museos y que dende yá ye posible faese un selfi coles momies exipcies gratis.

Nel Muséu Exipciu del Cairo, llugar de residencia de más de 160.000 antigüedaes exipcies y parada obligatoria pa los amantes de la cultura, los visitantes almiraben güei les maravíes qu’alluga la galería col móvil y la cámara de semeyes na mano.

A pesar de que los cartelos indicando que ta prohibíu fotografiar inda nun fueron retiraos, dende güei ta dexáu faelo ensin tener que pagar, siquier si nun se fai con cámara de vídeu. Hasta agora podíen faese semeyes nel muséu previu pagu en taquilla de 50 llibres exipcies, unos 2,70 euros (3 dólares), y si lo que se quería yera grabar en vídeu los turistes teníen d’abonar hasta 300 llibres, daqué más de 15 euros (17 dólares).

Va unos díes el Ministeriu d’Antigüedaes anunció que dende güei yá nun habría que pagar por faer semeyes, una decisión que busca “afalar el movimientu turísticu n’Exiptu y promover los monumentos y la civilización exipcios únicos”. “Más val tarde que nunca”, dicía a Efe Mohammed Hassan, un guía turísticu que nun podía esconder la so aprobación de la midida porque considera que va ayudar a tener una mayor publicidá.

Exiptu trata de recuperar el sector turísticu tres años de depresión qu’empezó en 2011 cola primavera árabe. En 2017, Exiptu recibió 8 millones de turistes y l’añu pasáu esperar ente 10 y 11 millones de visites, xuna cifra ensin confirmar entá oficialmente, pero qu’entá falta de los casi 15 millones de 2010. Les redes sociales y los blogues van ayudar a espublizar el gran legáu arqueolóxicu que tien Exiptu.

  Categories: