Los turistes estranxeros xorrecen n’Avilés hasta’l 15,1%

Los turistes estranxeros xorrecen n’Avilés hasta’l 15,1%
19 ochobre 09:02 2018 Imprimir

Los turistes estranxeros xorrecen n’Avilés hasta’l 15,1% y la metá de los turistes lleguen  atraíos pel Centru Niemeyer y el 67% fainlo pol cascu históricu, mientres que los eventos culturales, deportivos y de festexos yá atraen al 14,2% del total de les visites.

L’afitamientu d’Avilés como destín turísticu que se vien produciendo nos últimos años afitase anguaño: “Un añu importante dada la recuperación de mercaos como’l Mediterráneu que nun tuvo impactu en destinos turísticos como l’avilesín o l’asturianu pola ufierta curiosa y calidable que tenemos al respective de les zones de turismu low cost” en palabres de Manuel Riola, conceyala de Promoción de Ciudá.

La valoración media de la ciudá ye de 8,9. Dos bonos exemplos del afitamientu d’Avilés como destín apurrir dos de los datos llograos mientres la realización de la encuesta d’esti branu (600 persones mientres 4 selmanes): Casi’l 72% de les persones encuestaes visiten Avilés per primer vegada.

El 47,7% de los encuestaos informóse sobro Avilés como destín pa les sos vacaciones por Internet superando, per primer vegada, el tradicional boca-oreya. “Esti datu tien que ver col bon allugamientu dixital llográu per Avilés”, en palabres de Campa.

La metá de los turistes que visiten Avilés lleguen atraíos pel Centru Niemeyer, y el 67% fainlo pol cascu históricu. Los eventos culturales, deportivos y de festexos yá atraen al 14,2% del total de les visites

El turismu estranxeru llegó esti branu a representar el 15,1% del total. El conceyal de Turismu esplicó que “unu de los oxetivos de la política de Promoción Turística ye precisamente la medría d’esti tipu de turismu y pallo, gracies al alcuerdu col Gobiernu del Principáu y les ciudaes de Xixón y Uviéu, intensificóse la presencia en feries internacionales como Nantes o París”. Dientro d’estos datos, el 37% de los turistes internacionales qu’escueye Avilés como destín turísticos con franceses, el 21,5% alemanes y el 13% británicos.

El Camín de Santiago xuega tamién un papel importante dientro del mercáu estranxeru. Los pelegrinos representen un 8,1% del total de los turistes foriatos y amóntase, cada vez más, el perfil de turista del Camín de Santiago con un gasto mediu diariu superior al pelegrín “de mochila”.

Los datos de la encuesta braniza confirmen que más de la metá de les persones encuestaes pernoctan n’Avilés.

La ciudá confírmase según territoriu dende’l que visitar el restu de zones d’Asturies, con una estancia media que s’asitia na redolada de les 4 nueches.

El 56% de les persones entrevistaes pernocta na ciudá La estancia media caltiense estable con
5,8 nueches de media.
Nos hoteles, les pernoctaciones son de 4,2 nueches de media.

Mientres l’últimu trimestre del añu, Avilés va tar presente nes principales feries nacionales: INTUR de Valladolid y la IBTM de Barcelona dedicaes, respectivamente, al turismu d’interior y al de Congresos, coles mires de siguir creciendo en dambos campos. Avilés va siguir desenvolviendo acciones conxuntes dientro del alcuerdu “Trés ciudaes” porque la cooperación nel ámbitu turísticu ye fundamental pa poder competir en mercaos esteriores. La ciudá va siguir avanzando nel afitamientu de la Rede de Destinos Turísticos Intelixentes cola creación de los distintos Grupos de Trabayu y l’analís de los datos de los destinos que formen parte de la Rede.

Ente los proyectos turísticos pa los próximos meses atópase la inmersión d’Avilés nel turismu idiomáticu cola puesta en marcha de “Avilés Enseña”, el proyectu municipal pa captar estudiantes d’español.

  Categories: