Portada Cine Los teatros y cines van reabrir na fase 2 con llimitación d’aforu d’un terciu

Los teatros y cines van reabrir na fase 2 con llimitación d’aforu d’un terciu

by redacción asturnews

El presidente del Gobiernu, Pedro Sánchez, anunció esti martes 28 d’abril que los cines, teatros, auditorios y espacios similares van poder reabrir mientres la fase 2 del plan de desescalada del Executivu pola crisis del coronavirus, y va faese con butaca preasignada y llimitación d’aforu d’un terciu.

Prevese que la fase dos non empiece hasta finales de mayu y, según el plan de desescalada, cada provincia va entrar nella en función de la so evolución énte la pandemia. Tal que detalló Sánchez, esa fase 2 va ser la entemedia dientro del plan de salida y va algamase “si cumplen condiciones y marcadores indicaos”. Nel casu del ociu y la cultura, incluyíos na citada fase, amás de los cines y teatros tamién se refirió a otros sectores. Asina, nesta fase van ser posibles visites a monumentos y otros equipamientos culturales como sales d’esposiciones y de conferencies, con un terciu del so aforu habitual.

Tamién podrán celebrase los actos y espectáculos culturales de menos de 50 persones en llugares zarraos, con un terciu d’aforu, y si ye al campu van ser posibles cuando rexunten a menos de 400 persones, siempres y cuando sía sentáu.

Cada fase va tener un periodu mediu de dos selmanes y el llunes 11 de mayu, toles provincies que cumplan los requisitos del panel van pasar a la fase 1. A partir d’ende, quincenalmente va evaluase’l cumplimientu de marcadores, tal que esplicó Sánchez.

Tamién te podria gustar