Portada Conceyos Los Talleres Infantiles d’Avilés (TIA) tornen con 100 places en Navidá

Los Talleres Infantiles d’Avilés (TIA) tornen con 100 places en Navidá

by redacción asturnews

Destinaos a escolares d’Infantil y Primaria, los Talleres Infantiles d’Avilés (TIA) tornen con 100 places en Navidá y una inscripción que va pesllase’l vienres 13 d’avientu.

La conceyalía d’Educación del Conceyu d’Avilés refuerza’l so compromisu coles families, por aciu polítiques de conciliación que cristalicen en programes de gran siguimientu, como los Talleres Infantiles d’Avilés (TIA), que tornen una Navidá más, con una ufierta de 100 places nos colexos públicos de Versalles y El Quirinal. El períodu d’inscripción abre esti llunes 2 d’avientu, y ciérrase el vienres 13.

Destinaos a escolares d’Infantil y Primaria, preparáronse dos veces mientres les próximes fiestes, con serviciu de comedor incluyíu. El primeru, los díes 23, 26 y 27 d’avientu; el segundu, el 30 d’avientu y el 2, 3 y 7 de xineru. Coles mesmes, va haber disponibles bonificaciones d’hasta’l 80% del costu total, en función de la renta y del númberu de miembros de la unidá familiar.

El preciu de matrícula ye de 9,6 euros al día (1,2 euros a la hora) nel casu d’escoyer la opción ensin comedor, y de 13,55 euros al día (1,7 euros a la hora), si escueye la opción con comedor. El costu completu para la primer vez ye de 28,80 euros ensin comedor y 40,65 con comedor; para’l segundu, 38,40 y 54,20 euros, respectivamente.

Les neñes y los neños van poder esfrutar de distintes actividaes y xuegos, preparaes con atención a preceptos pedagóxicos y didácticos, que van aunir diversión y educación en valores. Van esfrutar de talleres d’espresión artística, de pintura, de teatru, de cocina y manualidades; xuegos tradicionales y de mesa, gincana, una visita a la esposición de belenes, cine, enchibles, música… Nos colexos públicos de Versalles y El Quirinal, con bonificaciones d’hasta’l 80% en función de la renta y el númberu de miembros de la unidá familiar, y serviciu de comedor tamién bonificáu. Establécense dos veces: el primeru, los díes 23, 26 y 27 d’avientu; y el segundu, el 30 d’avientu y el 2, 3 y 7 de xineru. Les neñes y los neños d’Avilés van esfrutar de xuegos, actividaes d’espresión artística, cine y una visita a la ruta de los belenes, n’horariu de 7.30 a 15.30 hores

La matrícula va realizase por rigorosu orde d’inscripción, hasta escosar les places.

Más información

Tamién te podria gustar