Portada Educación Los Talleres Infantiles d’Avilés (TIA) siguen en septiembre

Los Talleres Infantiles d’Avilés (TIA) siguen en septiembre

by redacción asturnews

Siguiendo cola esperiencia positiva de la edición de branu, Selmana Santa y Navidá, como novedá p’anguaño habilitóse la posibilidá de matriculase tamién nos periodos non lectivos de xunu y setiembre. La TIA, amás de ser un programa que fomenta la educación en valores al traviés d’actividaes artístiques, culturales y deportives nel tiempu d’ociu de los y les menores, tamién ye una midida de conciliación de la vida personal y llaboral.

Ta disponible pa les families empadronaes n’Avilés y tamién pa les persones que trabayen equí y les actividaes van realizase los díes 1, 2, 5, 6, 7 y 9 de setiembre ente les 8:00 y les 15:00 nos colexos de Versalles y El Quirinal.

Como en toles ediciones previes, sobre los precios públicos axustaos (57,60 euros pa los cinco díes d’actividaes  ensin comedor y de 81,30 euros con comedor) tamién se contempla la posibilidá de bonificación.

La matrícula va ser por orde d’inscripción, habilitándose tamién una llista de reserva. Les inscripciones van poder tramitase nel Serviciu d’Educación (Edificiu Fueru. C/Fernando Morán, 26, baxu) n’horariu de 8:00 a 14 hores antes del día d’entamu de l’actividá.

Anguaño, la TIA de branu rexistró 497 matrícules en xunu, xunetu y agostu.  Pal períodu de setiembre hai matriculaos enagora 44 neños y neñes.

Tamién te podria gustar