Los Talleres Infantiles d’Avilés’ (TIA) amplíen horarios y ufierta pa esti branu

Esti miércoles, 15 de xunu, a les 17.30 hores; el Centru Municipal d’Artes y Esposiciones (CMAE) acoyía una xunta informativa pa madres y padres que yá formalizaron la matrícula de los sos fíos/as nos Talleres Infantiles d’Avilés’. Los TIA celébrense, un añu más, en dómina braniza. Tratase d’una ufierta a les families qu’anguaño, per primer vegada, amplíase tamién  a los meses de xunu y setiembre (del 22 de xunu al 9 de setiembre), partiendo les feches en seis turnos, coincidiendo con toles vacaciones escolares.

Los talleres tán destinaos a neños y neñes que cursen Infantil o Primaria nel momentu de formalizar la matrícula, y que los sos padres/madres tean empadronaos/as o trabayen n’Avilés. Otra de les novedaes d’esta edición ye l’ampliación del horarios empecipiándose la xornada a les 07:30 y rematando a les 15:30 hores. Les actividaes van realizase nos colexos del Quirinal (C/ Fernando Morán s/n) y Versalles (C/Reconquista 23).

Les veces pal branu 2016 son los siguientes: Primer vez: Del 22 de xunu al 1 de xunetu Segundu vez: Del 4 al 15 de xunetu Tercer vez: Del 18 al 29 de xunetu Cuartu vez: Del 1 al 12 d’agostu Quintu vez: Del 16 al 31 d’agostu Sestu vez: Del 1 al 9 de setiembre