Portada Educación Los sindicatos d’enseñanza amuesen el so esmolecimientu pol IES Universidá Llaboral de Xixón

Los sindicatos d’enseñanza amuesen el so esmolecimientu pol IES Universidá Llaboral de Xixón

by asturnet

Representantes de los sindicatos CC.OO, SUATEA, ANPE y CSI-CSIF manifestaron el so esmolecimientu pola situación que vive l’IES Universidá Llaboral por mor de les obres entames nesi centru. Después d’un conceyu colos responsables del IES, los sindicatos constataron les dificultaes creaes pal empiezu normal del cursu de los alumnos de Formación Profesional y les deficiencies que presenta’l centru pal so usu docente.

Según denunciaron los representantes sindicales darréu de la so reunicón colos responsables del centru de la Llaboral inda nun hai fecha d’escomienzu del cursu nin se conoz la disponibilidá d’aules, asina como tolo que cinca al suministru de lluz, agua, llimpieza y aséu. Los accesos al centru son otru de los problemes detectaos polos sindictos que denuncien nun comunicáu conxuntu les dificultaes que se tan creando pa los propios alumnos afectaos poles obres y el treslláu d’aules.

Los sindicatos piden nel so comunicáu l’entamu d’una Comisión integrada per toles partes (administración, dirección del centru, profesorao y dirección d’obres) pa solventar los problemes esistentes y desixen-y a les autoridaes educatives que garanticen l’empìezu del cursu en condiciones que nun perxudiquen a los alumnos matriculaos nel centru de FP y el cumplimientu de la lexislación vixente en materia d’obres públiques y prevención de riesgos llaborales.

Tamién te podria gustar