Portada Música Los Rolling Stones vuelven al blues col so nuevu álbum ‘Blue & Lonesome’

Los Rolling Stones vuelven al blues col so nuevu álbum ‘Blue & Lonesome’

by redacción asturnews

Los Rolling Stones tornen a los sos raigaños del blues. La banda británica anunció esti xueves que va llanzar el so primer álbum d’estudiu en más d’una década’l próximu dos d’avientu, y va llamase Blue & Lonesome .

El trabayu, que se grabó en tan solo trés díes, reflexa la pasión pola música blues que siempres tuvo nel corazón y l’alma” del grupu lideráu por Mick Jagger, según un comunicáu publicáu na so páxina web. El grupu xenerara una enorme espectación ente les sos fans al sopelexar ayeri na so cuenta de Twitter un enigmáticu vídeu de diez segundos nel qu’apaecen los sos cuatro componentes axuntaos nel estudiu de grabación y un segundu mensaxe que dicía: “TOMORROW. 2PM GMT / 6AM PST / 9AM EST”. Tres meses d’especulaciones alimentaes pol mesmu grupu, a partir de güei puede acutase por adelantao un álbum nel qu’apaez como convidáu especial Eric Clapton, qu’acompaña a les guitarres de Keith Richards y Ronnie Wood.

El trabayu grabose n’avientu de 2015 nel oeste de Londres, cerca de los primeres pubs y locales onde los Stones empecipiaron la so andadura nos años 60. La resultancia de los trés xornaes que duraron les sesiones de Blue & Lonesome “ye un discu bonal”, que los sos temes fueron grabaos “en vivu nel estudiu”, ensin pistes doblaes de forma artificial.

Tamién te podria gustar