Portada Fiestes Los proyectos de xarrés pa les fiestes d’El Bollu van presentase’l 11 de marzu

Los proyectos de xarrés pa les fiestes d’El Bollu van presentase’l 11 de marzu

by redacción asturnews

Los proyectos de xarrés pa les fiestes d’El Bollu 2019 n’Avilés tendrán de ser presentaos el llunes 11 de marzu, de 9 a 13 hores, nes dependencies de la Delegación Municipal de Festexos, allugaes na Oficina Municipal de Turismu (C/Ruiz Gómez, 21). La finalidá d’esti concursu ye que los proyectos ganadores participen nos desfiles de los díes 21 y 22 d’abril.

La convocatoria, dotada con un presupuestu de 18.200 €, ta dirixida a asociaciones d’ámbitu preferentemente comarcal debidamente inscrites. va partir hasta 6 premios de 2.800 € y 2 accésit de 700 €. El fallu del xuráu va faese públicu’l mesmu llunes 11 de marzu. L’axudicación de plataformes ente los proyectos ganadores va facer por aciu sortéu.

El xuráu va valorar el motivu del xarré y les sos referencies culturales con hasta 40 puntos, la so orixinalidá con hasta 15 puntos, la complexidá de la so ellaboración con hasta 20 puntos y les midíes de seguridá nos sos materiales y estructura con hasta 25 puntos.

Cada asociación participante va poder presentar un únicu proyectu en sobre zarráu, en que’l so esterior namái va figurar el títulu o nome del xarré, figurando nel interior la descripción de materiales, el númberu de figurantes, los paxellos de los mesmos, y un testu esplicativu del títulu y de la temática escoyida. Nun segundu sobro van axuntase los datos de la entidá participante, figurando nel so esterior namá’l títulu del xarré.

Les bases íntegres d’esta convocatoria pueden ser consultaes nel tablón d’anuncios municipal y en www.aviles.es.

Tamién te podria gustar