Los proyectos de xarrés pales fiestes d’El Bollu han presentase’l 22 de febreru

by redacción asturnews | febrero 19, 2018 8:54 am

Los proyectos de xarrés pales próximes fiestes d’El Bollu tendrán de presentase’l 22 de febreru, día nel que`l xuráu va anunciar los proyectos ganadores, concediendo hasta 18.200 euros en 6 premios de 2.800 € y 2 accésit de 700 €.

Los proyectos de xarrés pales fiestes d’El Bollu 2018 n’Avilés tendrán de ser presentaos el xueves 22 de febreru, de 9 a 13 hores, nes dependencies de la Delegación Municipal de Festexos, allugaes na Oficina Municipal de Turismu (C/Ruiz Gómez, 21). La finalidá d’esti concursu ye que los proyectos ganadores participen nos desfiles de los díes 1 y 2 d’abril.

La convocatoria, dotada con un presupuestu de 18.200 €, ta dirixida a asociaciones d’ámbitu preferentemente comarcal debidamente inscrites y van partir hasta 6 premios de 2.800 € y 2 accésit de 700 €. El fallu del xuráu va faese públicu’l mesmu xueves 22 de febreru. L’axudicación de plataformes ente los proyectos ganadores va facer por aciu sortéu. El xuráu va valorar el motivu del xarré, la so orixinalidá y el so coloríu, la inclusión de referencies culturales, según l’esfuerzu emplegáu na so realización y les midíes de seguridá propuestes.

Cada asociación participante va poder presentar un únicu proyectu en sobre zarráu, en que’l so esterior namái va figurar el títulu o nome del xarré, figurando nel interior la descripción de materiales, el númberu de figurantes, los paxellos de los mesmos, y un testu esplicativu del títulu y de la temática escoyida. Nun segundu sobro van axuntase los datos de la entidá participante, figurando nel so esterior namá’l títulu del xarré.

Les bases íntegres d’esta convocatoria pueden ser consultaes  equí:

Bases de la convocatoria del Concursu de Proyectos de Xarrés pa les Fiestes d’El Bollu 2018[1]

Endnotes:
  1. Bases de la convocatoria del Concursu de Proyectos de Xarrés pa les Fiestes d’El Bollu 2018: http://aviles.es/documents/12305/753696/Convocatoria+concurso+proyectos+Carrozas+El+Bollo+2018.pdf/cbb56115-4455-4212-b8f0-1514c04ec0af

Source URL: http://asturnews.com/los-proyectos-de-xarres-pales-fiestes-del-bollu-han-presentasel-22-de-febreru/