Educación Los profesores refuguen que los sos sueldos varien según les resultancies by redacción asturnews 6 de payares, 2015 written by redacción asturnews 6 de payares, 2015 48 La propuesta del pedagogu José Antonio Marina de qu’una parte de la retribución del profesoráu pueda “tar rellacionada cola evaluación del centru enteru, de manera que se fomente la implicación del profesoráu nun proyectu educativu” foi recibida con bones palabres pol ministru d’Educación, Íñigo Méndez de Vigo. Esti llunes aseguró que’l Ministeriu va estudiar la idea del filósofu al qu’encargó la redacción del Llibru Blanco de la Función pública docente, pero darréu, los profesores cerráron-y les puertes a la propuesta, por atalantar representantes de la Enseñanza de los sindicatos CC OO, CSIF y ANPE que se faiga una distinción ente profesores bonos y malos. “Toos son profesionales abondo capacitaos pa impartir la docencia, cuidao que superaron procesos selectivos y tuvieron controlaos pola Alministración como colos servicios d’inspección”, destacó’l presidente de la Enseñanza del CSIF, Adrián Vives. Méndez de Vigo destacó que cualquier cambéu importante y significativo” nel sistema educativu depende “esencialmente del profesoráu” y aseguró que, nos meses que lleva frente del Ministeriu d’Educación, diose cuenta de qu’hai que cuntar “cola complicidá y la collaboración” d’esti colectivu. “Hai munchu profesores que quieren ameyorar y esta (la propuesta de Marina) ye una posibilidá que va haber qu’estudiar”, añedió, y “los bonos nun pueden cobrar lo mesmo” Los profesores españoles son los docentes que pasen menos controles esternos, xuntu colos italianos, según un informe de la OCDE sobre la función docente, l’informe Talis, publicáu en 2014. Un 36% nunca foi sometíu a una evaluación docente formal y esterna del so llabor. 0 FacebookTwitterPinterestEmail Anterior Esther García narra qu’ella taba ellí siguiente La ópera “Madama Butterfly” y “Delicia”, nueves propuestes d’EscenAvilés Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...