Los premios “Princesa” van tener renovación escenográfica

Los premios “Princesa d’Asturies” van volver el día 22 al Teatru Campoamor tres del paréntesis obligáu pola pandemia y va facelo con una renovación escenográfica de la ceremonia d’entrega. La Fundación lleva trabayando nello dende payares de 2020.

Nun se trata d’un cambéu radical, sinón d’una renovación xeneral. Amás del equipu de la Fundación trabayaron unes 80 persones y barganal del 80 per cientu de el provisores son d’Asturies. Ente los cambeos figura la sustitución de tolos bastidores y teles nel escenariu. Al respective de l’accesibilidá, rebaxóse la rampla nel escenariu p’afaela a la normativa vixente y ameyoróse la escalera d’accesu, pa lo que se retiró dolce butaques del teatru.

Tocantes a la simboloxía ordenen los símbolos (banderes y escultures) y la decoración en distintos planos escenográficos, reforzando l’asturianía de los raigaños de la Fundación al potenciar el tonu mariellu nel escenariu. Y destácase la presencia de la escultura de los Premios, que va tar presente, amás de nel escenariu, na sala d’espera de los galardonaos y nel antepar del teatru.