Los premios Max de teatru retárdense “primeramente” a setiembre

Los premios Max de teatru retárdense “primeramente” a setiembre
11 mayu 08:59 2020 Imprimir

El final del añu 2020 va ser una verdaderu maratón d’actos y celebraciones de too tipu. Los postreros en añedir son los Premios Max, los grandes galardones del teatru español, qu’acaben d’anunciar que retarden el so XXIII edición, prevista para’l 29 de xunu en Málaga, “primeramente pal 7 de setiembre”.

La Fundación SGAE, que concede los premios Max, conxuntamente col Conceyu de Málaga y el Teatru Cervantes de la ciudá andaluza, decidieron camudar la fecha para apurrir los galardones que reconocen el talentu de los profesionales del teatru y la danza, daes les restricciones pa la celebración d’espectáculos públicos y la llibre circulación de persones por cuenta de la Covid-19 . Un cambéu de mes que nin siquier, almiten, ye definitivu. El 7 de setiembre ye la fecha tentativa d’aniciu, pero, señalen, “ta suxeta a la evolución de les circunstancies y a les directrices marcaes poles autoridaes sanitaries”.

Na pasada edición, celebrada nel Teatru Calderón de Valladolid,la obra La tenrura, d’Alfredo Sanzol, agora director del Centru Dramáticu Nacional, llevóse’l Max al meyor montaxe del añu, ente que Xavier Albertí, director del Teatre Nacionald y Catalunya, foi premiáu com o meyor director del añu por Temps salvatge, de Josep Maria Miró. María Hervás, por Iphigenia en Vallecas, y Albert Salazar por A.K.A. (Also Known As) fueron los meyores actores.

Cuando finalmente puean celebrase, el lema de los XXIII Premios Max va ser L’arte d’escuchar. Joaquín Casanova y Elisa Ramos, fundadores de la compañía de Granadina La Maquiné, especialista en teatru familiar, van dirixir la ceremonia. “La gala va ser una reflexón sobro la sociedá en que vivimos, contaminada pol ruiu, la tecnoloxía y estímulos que nos bombardean costantemente”, esponen Casanova y Ramos. Xuna reflexón sobro’l silenciu, tantu esterior como interior, qu’estos díes de confinamientu facilitaron.

Va ser la primer vegada que la ceremonia de los Premios Max, galardones de calter itinerante, celebrese en Málaga, coincidiendo col 150 aniversariu del Teatru Cervantes, símbolu de la cultura teatral de la ciudá, La Maquiné quier aprovechar esti allugamientu p’amosar “una visión global d’Andalucía, que ye plural y multicultural por naturaleza”. La Maquiné afirma que se va alloñar de los tópicos, “pero non de los nuesos raigaños”.

  Categories: