Los pendonos de Llión pasiaron pel Muru xixonés otru añu

Los pendonos de Llión pasiaron pel Muru xixonés otru añu
22 ochobre 10:00 2018 Imprimir

Cásique seis cientos de lleoneses colos sos pendonos conceyiles volvieron protagonizar l’alcuentru en representación de 45 pueblos esplegando los sos estandartes y percorriendo les cais de Xixón, ente la Plaza Mayor, pasando pol Paséu del Muriu de San Llorienzo.

El hermanamientu ente asturianos y lleoneses ye una realidá en Xixón dende va cuantayá y esti domingu quedó bien a les clares col desfile de pendones peles cais xixoneses por cuenta de la celebración de les fiestes patronales de la Virxe del Camín y San Froilán, al cargu de la Casa de Llión n’Asturies. Un añu más, y yá van diez, la cita amosó que la unión ente estos dos pueblos vecinos ye daqué más que’l simple fechu de tener llinde ente ellos.

D’esta forma, alredor de 600 participantes llegaos de la provincia vecina esibieron los 45 pendones típicos del llugar nuna marcha pol Muriu de San Llorienzo, dende la plaza Mayor hasta l’hotel Begoña Park. Al pie de los pendonos, los coloríos traxes tradicionales lleoneses y la música floclórica fueron elementos esenciales de la cita festiva, na qu’amás esti añu nun faltó’l bon tiempu facilitando’l desfile, con un vientu nordés que perimitó desplegar los pendonos per tol percorríu.

La mayor parte de los participantes coincidíen en resaltar l’arguyu de representar a Llión y d’enseñar la so cultura y la so tradición a los asturianos. Mientres la comitiva avanzaba pol Muriu los partes llucíen con allegría los ropaxes típicos de la so tierra.  L’alcalde de Llión, Antonio Silván, tamién tuvo presente na celebración.

Loading Facebook Comments ...