Los pas piden al Principáu abrir los centros pela tarde

La Federación d’Asociaciones de Padres d’Alumnos (FAPA) Miguel Virgós, qu’axunta a 300 ampes de toa Asturies, ta dispuesta a dar la batalla porque s’abran los centros pela tarder y va unviar una carta empobinada a la Conseyería d’Educación pa pidir al Gobiernu rexonal «valentía» pa’abrir los centros educativos pela tarde.

La FAPA sostiñen que ganaríase espaciu, les ratios seríen más baxes y evitaríase la semipresencialidá a partir de terceru de la ESO, que dicen que-yos cayó como un xarru d’agua frío dempués del fiascu que foi la enseñanza telemática. Aportuna tamién en que si l’argumentu ye l’espaciu, «nun nos val». 2Yá diximos qu’hai qu’optimizar recursos, pero negar en redondu. Y lo que nun puede ser ye que nos fale a les families d’afaenos a la ‘nueva normalidá’ y, sicasí, calténganse otros privilexos”. Y pregúntase “¿por qué siempres tien que ser esa forqueta de 8 a 2? ¿Por qué nun se puede camudar y hai que dir pedimiando espacios polos conceyos?. La razón puede abarruntase, pero que lo digan”, aportuna.