Los pantalones del Sporting nun pueden mercase cola toponimia oficial

28 setiembre 04:33 2010 Imprimir

Un aficionáu del Sporting de Xixón púnxose en contactu con Asturnews pa denunciar que na tienda del equipu xixonés “nun se pue mercar el pantalón de la vestimenta oficial col topónimu ‘Xixón’”. El clú lleva dende esti añu nel pantalón el topónimu tradicional del conceyu, pero como se pue comprobar na páxina web de la entidá deportiva, les equipaciones a la venta namás lleven ‘Gijón’ na camiseta, pero non ‘Xixón’ nel pantalón”. L’aficionáu denunciante recuerda que “los xixoneses pagamos una importante cantidá de los nuesos impuestos pa que’l nome del conceyu vaiga na equipación” polo que reclama que, tamién nes unidaes a la venta, apaeza’l topónimu tradicional del conceyu.

La publicidá fecha pol Conceyu de Xixón na equipación del Sporting tien un costu de 2.050.000 d’euros. El club ha usar el nome de la ciudá na so equipación hasta 2013, comprometíendose amás a organizar un partíu añal del qu’han donase los fondos consiguíos a los clús base de la ciudá, amás de 200 entraes por partíu pal equipu de gobiernu.

31/08/2010: L’Sporting xuega per primer vegada na hestoria col topónimu “Xixón”

  Categories:
Loading Facebook Comments ...