Portada Cine Los nomaos a los Premios Goya 2020 van conocese’l 2 d’avientu

Los nomaos a los Premios Goya 2020 van conocese’l 2 d’avientu

by redacción asturnews

Los nomaos a los Premios Goya 2020 van conocese’l llunes 2 d’avientu y la Fiesta de Nomaos va tener llugar el 16 d’avientu, según informó reécin l’Academia del Cine nuna nota de prensa.

A esta edición, que fai’l númberu 34 de los Premios Goya, opten un total de 146 películes estrenaes n’España ente’l 1 de xineru y el 31 d’avientu de 2019. D’estes 146 producciones, 88 son de ficción, 55 son documentales y 3 d’animación, 56 d’elles, óperes primes. Tocantes a los guiones, 112 son orixinales y 29 son afechos.

Tamién alleguen anguaño 53 filmes europeos, 15 cintes iberoamericanes y 35 curtiumetraxes, 15 de ficción, 10 documentales y otros 10, d’animación. Los nomaos a los Goya 2020 van conocese’l llunes 2 d’avientu na see de l’Academia y la Fiesta de Nomaos va tener llugar el 16 d’avientu.

La gala celebrarase’l 25 de xineru nel Palaciu de Deporte José María Martín Carpena de Málaga, segunda capital andaluza qu’acueye la gala, que l’añu pasáu celebrar en Sevilla.

Tamién te podria gustar