Los neños avilesinos conocen la casa tradicional asturiana

04 ochobre 23:37 2005 Imprimir

El Conceyal d’Educación del Ayuntamientu d’Aviles, Román Álvarez, presentó la exposición La casa tradicional asturiana, fecha en collaboración cola Asociación Cultural Maura-Xeva y que ta dirixida a los escolinos de la Comarca avilesina. Na presentación tuvo acompañáu pola presidenta y la vicepresidenta de Maura-Xeva, Paz González y Noelia Martínez.

Con esta exposición, que se fairá nel primer trimestre d’esti cursu escolar, quier enseñase a los neños la vivienda de los oss antepasaos, asina como la evolución que tienen sufrío dalgunes ferramientes d’uso diariu, como les planches o les navayes d’afeitar.

La exposición va consistir na reproducción d’una casa tradicional dientro de l’antigua escuela de Miranda centrada principalmente en tres partes: la cocina, el cuartu y los preseos. Pa ello, va exponese una replica d’una cocina lareira, típica del occidente, o d’un cuartu con un colchón de llana o maíz. Amás, la muestra va contar con oxetos antiguos.

  Categories:
Loading Facebook Comments ...