Portada Plástiques Los museos del Prado, Reina Sofía y Thyssen van reabrir el sábadu 6 de xunu

Los museos del Prado, Reina Sofía y Thyssen van reabrir el sábadu 6 de xunu

by redacción asturnews

Los museos del Prado, Reina Sofía y Thyssen van reabrir el sábadu 6 de xunu. El Ministeriu de Cultura entama una reapertura coordinada de les grandes pinacoteques de Madrid “con garantíes sanitaries para públicu y trabayadores”.

El gran triángulu del arte que formen los museos del Prau, Reina Sofía y Thyssen va abrir de nuevu al públicu’l próximu sábadu 6 de xunu. El Ministeriu de Cultura, como gran patrón d’estes pinacoteques, asumió la reapertura simultáneo y coordinao de los trés centros. Y aseguró les plenes “garantíes sanitaries tantu para’l públicu como para el trabayadores d’estos espacios”. Termina asina l’históricu zarru de casi trés meses decretáu’l pasáu 11 de marzu por causa de la pandemia de coronavirus,

Los museos madrilanos podíen abrir el pasáu llunes, día nel que la comunidá autónoma entró na fase 1 de la desescalada, qu’asina lo dexaba. Los directores de les trés instituciones queríen sicasí dase’l tiempu necesariu pa entamar la vuelta lo meyor posible.

“L’usu obligatoriu de mázcaros y de xeles hidroalcohólicos, el montaxe de mámpares nos espacios d’atención el públicu, y la supervisión na circulación de visitantes pa evitar aglomeraciones van ser midíes comunes nos museos”, indicó’l Ministeriu al traviés de la nota en qu’anunció la reapertura. Tal como precisó’l departamentu de José Manuel Rodríguez Uribes, cada unu de los trés centros diseñó un plan específicu para xestionar la reapertura, so supervisión de Cultura y tamién del Ministeriu de Sanidá.

El Prado va reabrir les sos puertes col lema Realcuentru. L’horariu va ser l’habitual sacante los domingos, cuando se va cerrar dos hores antes, ye dicir a los cinco de la tarde en cuenta de a los siete. Y la superficie espositiva va ser “la equivalente a un cuartu del muséu”.

Los visitantes van tener qu’entrar pela Puerta de Goya –salvu los Amigos del Muséu y persones precisaes d’asistencia, que lo fadrán pela Puerta de Jerónimos– y van salir pela Puerta de Murillo. D’esa manera pretende entainase el fluxu de persones y facilitar el cumplimientu de los requisitos sanitarios. Toles entraes, incluyíes les gratuites, tendrán d’adquirise online al traviés de la páxina web (www.museodelprado.es),  con cuenta d’evitar coles y aglomeraciones.

Nel casu de la Reina Sofía, la reapertura de les sales d’esposición del Muséu va ser gradual y progresiva. Primeramente va abrise la planta 2 de la Colección (qu’inclúi la área dedicada al Guernica y les sales más representatives), según la esposición de Mario Merz nel Palaciu de Velázquez del Parque del Retiru.

El muséu d’arte contemporanéu tamién estableció percorríos independientes d’entrada y salida. Y va abrir coles mesmes nel so horariu habitual, calteniendo les franxes gratuites y un aforu máximu en caúna de les sos sales. La compra d’entraes podrá faese al traviés d’internet y en taquilles, pero fomentaráse’l pagu electrónicu.

El Thyssen-Bornemisza, pela so parte, va reabrir les sos puertes tanto a la colección permanente como les dos esposiciones temporales que prorrogó: Rembrandt y la semeya en Ámsterdam, hasta’l 30 d’agostu, y Joan Jonas: Moving Off The Land II, hasta’l 13 de setiembre. El muséu va caltener los sos horarios habituales. Como nel Reina Sofía, les entraes podrán adquirise en taquilles anque s’encamienta la compra al traviés de la páxina web o per teléfonu.

Tamién te podria gustar