Portada Plástiques Los menores de 18 años van aportar de baldre al Muséu Thyssen a partir de 2018

Los menores de 18 años van aportar de baldre al Muséu Thyssen a partir de 2018

by redacción asturnews
Foto: Rodney (https://www.flickr.com/photos/rjhuttondfw/)

El Muséu Nacional Thyssen-Bornemisza va dexar a partir d’esti 2 de xineru que los menores de 18 años apuerten de forma gratuita tantu a la so colección permanente como a les sos esposiciones temporales.

Anguaño, la llende d’edá p’aportar al muséu ensin costu dalgunu ta nos 12 años. L’ampliación del mesmu vien sumase, recuerden los sos responsables, “a les tarifes amenorgaes de les que pueden beneficiase los estudiantes de cualquier edá o nacionalidá o los titulares del Carné Nuevu de la Comunidá de Madrid”.

Pueden aportar tamién de forma gratuita los paraos, les persones con una discapacidá penriba’l 33 %, les families numberoses (cuando se trate de siquier un adultu y trés descendientes), el personal docente n’activu, los profesionales de Belles Artes en muséu estatales y los Amigos del Muséu. Coles mesmes, los mayores de 65 años y los pensionistes o los miembros de familia numberosa esfruten nel Muséu Thyssen d’una tarifa amenorgada.

Tamién te podria gustar