Portada Sociedá Los llibros escosaos de l’ALLA van poder emprentase baxo demanda gracies a un conveniu con Bubok

Los llibros escosaos de l’ALLA van poder emprentase baxo demanda gracies a un conveniu con Bubok

by asturnet

L’Academia de la Llingua Asturiana ta acabante dar anuncia del alcuerdu al que llegó cola empresa Bubok.com, pol que sedrá posible, al traviés de la páxina web de la empresa, la impresión baxo demanda d’obres escosaes y otres publicaciones d’especial interés pal estudiu filolóxicu. L’Academia súmase asina a otres instituciones como la Biblioteca Nacional (BN), ufiertando esti serviciu a la comunidá científica y a la xente interesao, en xeneral.

La presentación del proyectu va celebrase mañana, miércoles 14 d’abril, a les 12,30 hores nel llar social de l’Academia (c/ Marqués de Santa Cruz 6 2u, d’Uviéu), onde va roblase’l pautu de collaboración ente Bubok Publishing y la institución cimera de la nuesa llingua. Van firmar Ángel Herrera, alministrador de Bubok y Ana María Cano González, presidenta de l’ALLA. L’actu finará con una demostración.

Tamién te podria gustar