Sociedá Los independientes de Muros piden un serviciu de normalización y d’ordenances n’asturianu by asturnet 13 d'avientu, 2005 written by asturnet 13 d'avientu, 2005 17 El grupu municipal Cambio Siglo XXI de Muros del Nalón presentó nel plenu del Ayuntamientu del pasáu viernes 9 una moción na que reafirma l’asturianidá de tolos conceyos occidentales y pide la puesta en marcha d’un serviciu de normalización, asina como l’usu d’ordenances na nuestra llingua. Los tres conceyales independientes ufiertaron la moción redactada en llingua asturiana y acompañada d’un exemplar del llibru “El marcu llegal del asturianu” del xurista José Manuel Pérez. Nella piden al conceyu de Muros que refugue “toles iniciatives que tan teniendo llugar nos caberos meses por parte de grupos políticos y culturales de Galicia empobinades a espadir la llingua y el territoriu gallegos pol Occidente d´Asturias”. L’escritu, firmáu polos conceyales Marcelino García González, Luis Eloy Fdz. Cueto y Xuan Fernández Suárez, defende que “como primer conceyu del Occidente d´Asturias que somos, dende Muros decimos al altu la lleva que tolos conceyus que anguañu formen la nuesa autonomía son dafechu asturianos y asina lu amuesa la voluntá de sus vecinos”. Los conceyales del grupu independiente afirmen que “nun tamos dispuestos a consentir cualquier intrusión d´otra comunidá nes decisiones que-y correspuenden al Principáu d´Asturies en toles polítiques, incluida la llingüística” y reclamen la oficialidá pal asturianu y pal gallegu-asturianu nos territorios onde se fala. 0 FacebookTwitterPinterestEmail Anterior El Pulitzer 2006 inclúi por primer vez al periodismu dixital siguiente Responsables municipales de Xixón amuesen el so disgustu pol ‘gatillazu’ de Sabina Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...