Los hermanos Coen, Cuarón y Guadagnino van competir pol Llión d’Oru en Venecia

Los hermanos Coen, Cuarón y Guadagnino van competir pol Llión d’Oru en Venecia
30 xunetu 14:04 2018 Imprimir

Los hermanos Coen, el mexicanu Alfonso Cuarón o l’italianu Luca Guadagnino van competir pol Llión d’Oru del próximu Festival Internacional de Cine de Venecia, que va tener llugar del 29 d’agostu al 8 de setiembre, según anunció la organización.

Precisamente, los títulos de los Coen, ‘The Ballad of Buster Scrugg’, y de Cuarón, ‘Roma’, tán producíos por Netflix, daqué que tamién se repite cola obra de Paul Greengrass (’22 de xunetu’) y asina hasta seis títulos nesti certame incluyida la restauración de la pieza inacabada de Orson Welles, ‘The other side of the wind’-. “Nun podemos neganos a aceptar la realidá del nuevu paisaxe de producción”, señaló’l director del festival, Alberto Barbera.

El desembarcy estadounidense, amás de los Coen, vien encabezáu pola película protagonizada por Mel Gibson y Vince Vaughn ‘Dragged Across Concrete’ (fora de concursu),o ‘Vox Lux’, con Natalie Portman y empobinada por Brady Corbet, del indie Bold Films. Tamién van tar na competición oficial otros títulos como ‘At the eternity gate’ de Julian Schnabel; el debú en llingua inglesa del francés Jacques Audiard con ‘The Sister Brothers'; ‘The favorite’ de Yorgos Lanthimos; ‘Sunset’ de Laszlo Nemes o ‘Neustro Tiempu’, de Carlos Reygadas.

Magar nun haber representación del cine español, na sección Horizontes va tar ‘La nueche de 12 años’, centrada na figura del cautiverio del expresidente d’Uruguai José Mújica, dirixida por Álvaro Brechner y con Antonio de la Torre y ‘Chinu’ Darín como protagonistes.

Va dos díes conocíase que’l festival va acoyer la première mundial de ‘Nació una estrella’, la nueva versión del clásicu musical dirixida por Bradley Cooper y protagonizada por Lady Gaga. Coles mesmes, l’actriz Vanessa Redgrave foi reconocida col Llión d’Oru a tola so carrera y ‘First Man’ (El primer home), el biopic de Neil Armstrong dirixíu por Damien Chazelle, va inaugurar l’amuesa.

  Categories: