Los ganadores del concursu de fotografía ASBRU-ASMA esponen les sos obres en Bruseles

05 xunetu 23:54 2006 Imprimir

El prósimu vienres 7 de xunetu va inaugurase nes instalaciones de la Casa d’Asturies en Bruseles la esposición de les obres que quedaron finalistes del I Concursu de Fotografía ASBRU-ASMA, organizáu col envís d’afalar la creación fotográfica n’Asturies y sobre Asturies. Los asturianos Mónica Riveiro y Pablo Luis Bernad, van viaxar dende Madrid y Londres pa tar presentes na inauguración.

El xuráu del premiu, qu’aposto dende’l primer momentu poles nueves tecnoloxíes en toles sos fases, tuvo presidíu pol periodista asturianu Jose Luis Balbín y compuestu por varios fotógrafos y profesionales de reconocíu prestixu internacional, otorgó el primer premiu na modalidá “Asturies” a Mónica Riveiro pola serie de semeyes entitulada “Xixón” y el primer premiu de la modalidá “Tema llibre” a Pablo Luis Bernard pola serie en blanco y negro “Sin título”.

La esposición, que s’organiza con calter itinerante, va poder visitase na Casa d’Asturies de Bruseles hasta’l 14 de xunetu y va volver repitise en Madrid peles feches de la seronda.

  Categories:
Loading Facebook Comments ...