Portada Educación Los exames de la PAU condicionen la enseñanza de les Matemátiques Aplicaes a les Ciencies Sociales

Los exames de la PAU condicionen la enseñanza de les Matemátiques Aplicaes a les Ciencies Sociales

by redacción asturnews

Un estudiu realizáu pola Universidá d’Uviéu conclúi que los profesores afaen los conteníos a la superación de la prueba y non al resolvimientu de los problemes de la vida cotidiana, polo que conclúi que lña PAU condiciona dafechu la enseñanza de les Matemátiques Aplicaes a les Ciencies Sociales.

La superación de la Prueba d’Accesu a la Universidá (PAU) condiciona la enseñanza de les Matemátiques Aplicaes a les Ciencies Sociales. Esta ye la principal conclusión d’un estudiu ellaboráu pola Universidá d’Uviéu qu’acaba de ser publicáu na revista PLOS ONE. El trabayu revela que el profesores tán más esmolecíos pol fechu de que los estudiantes superen los exames de la PAU que por qu’adquieran habilidaes pal resolvimientu de problemes de la vida cotidiana.

L’estudiu foi realizáu polos profesores Luis Rodríguez Muñiz, Patricia Díaz, Verónica Mier y Pedro Alonso, pertenecientes a los departamentos d’Estadística ya Investigación Operativa y Didáctica de la Matemática, y de Matemátiques de la Universidá d’Uviéu. El trabayu analiza l’efectu que causa la PAU tantu nel currículu real y oficial— como na práctica docente de les Matemátiques aplicaes a les Ciencies Sociales en segundu de Bachilleratu.

Los autores conclúin que la influencia de la PAU nesta asignatura ye “notable” yá que implica un amenorgamientu del usu de metodoloxíes actives y un usu en clase d’exercicios bien similares a los que figuren nel exame. La enseñanza plantega asina poques situaciones problemátiques, una mínima toma de decisiones y poca interpretación de la solución nel so contestu real o cotidianu. El profesores reconocen, amás, que, de nun tener la PAU un formatu tan ríxidu, dedicaríen más tiempu a partes de los conteníos qu’anguaño apenes trabayen.

Tamién te podria gustar