Educación Los estudiantes de Viesques van seguir ocupando’l Campus by asturnet 5 de febreru, 2014 written by asturnet 5 de febreru, 2014 47 Esti miércoles l’Asamblea d’Estudiantes del Campus de Viesques aconceyó cola Vicerrectora Paz Suárez Rendueles; col direutor de biblioteques de la Universidá, Ramón Rodríguez Álvarez; la xerente Marta González Prieto, y colxefe de serviciu de la biblioteca, Fausto González González. L’esmantelamientu de la biblioteca asitiada nel edificiu polivalente d’Inxeniería, nel Campus de Viesques, yera’l fechu que provocó la so ocupación polos estudiantes, que van caltener la so actitú ante la decisión de la Universidá de nun reabrir la biblioteca. El coleutivu estudiantil desixó nesta xunta la reapertura de les instalaciones nes sos condiciones anteriores, debío a que l’alternativa supón qu’un campus con más de 4.000 estudiantes, y conformáu por cinco edificios alloñaos, quedare con namái una biblioteca. Como la Universidá caltuvo la so decisión, l’Asamblea d’Estudiantes decidió caltener indefinidamente la ocupación de la biblioteca, hasta’l momentu nel que se cumplan les sos desixencies mínimes: la restauración de la biblioteca en llibros, personal y horarios, amás d’aparar cualquier otra midida de retayu de les ferramientes educatives a les espaldes de la propia comunidá. 0 FacebookTwitterPinterestEmail Anterior La Cordinadora Ecoloxista critica l’actitú del Principáu pa cola contaminación del aire nel Día Mundial del Cáncer siguiente Estrénense n’España imaxes inédites d’Orson Welles Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...