Los estudiantes de la Universidá d’Uviéu van realizar práctiques na Fiscalía

La Fiscal Cimera del Principáu d’Asturies, María Esther Fernández García, el rector de la Universidá d’Uviéu, Santiago García Granda, y la Vicerrectora d’Estudiantes de la Universidá d’Uviéu, Elisa Miguélez González, roblaron esti xueves un conveniu pol cual estudiantes de los últimos cursos de Derechu van poder realizar práctiques curriculares en Fiscalía.

Les práctiques van empezar esti cursu y van afectar a non más de diez estudiantes. Van Acompañar a los fiscales a los xuicios orales y van conocer les actividaes que realicen davezu’l personal de la Fiscalía. D’esta forma, van completar la so formación teórica en base a unes hores de práctiques que son obligatories y tán nel plan d’estudios. Unos cinco estudiantes van poder participar, escoyíos por pidimientu del centru y espediente.

Nun se trata d’una actividá remunerada. «Oxalá tou fuera remunerado y la matrícula fuera gratis… Pero anque nun sían práctiques remuneradas suponen una esperiencia única, porque si tuvieren que pagalo sería bien caru», comentó Santiago García. «Non podríen facer», añedió Esther Fernández énte los periodistes, en roblando’l conveniu.

En concretu, robláronse dos convenios. El primeru, el relativu a la cooperación ente Universidá y Fiscalía pa la organización de práctiques esternes d’estudiantes universitarios. El segundu, más específicu, afecta a la protección xurídica de persones y grupos vulnerables. «Los estudiantes lo que tán faciendo ye aprender, ye como xuna asignatura más», aportunó García Granda. Esther Fernánde vería «maraviyosu» que Barbón diera mayor «trescendencia» a Xusticia la Fiscal.