Portada Lliteratura Los escritores n’asturianu más pequeños reciben premios

Los escritores n’asturianu más pequeños reciben premios

by asturnet

El viernes 21 de xineru van entregase los premios del Concursu de cuentos en llingua asturiana pal alumnáu de quintu y sestu d’EP, de les escueles de los conceyos del Valle del Ese-Entecabos nel Salón d’Actos de la Biblioteca y Casa la Cultura de Valdés. Sedrá a les 18.30 hores.

Nesti concursu participen escueles de Cuideiru, Salas, Tinéu, La Puela y Valdés, y los ganadores van lleer el so rellatu en público. El primer premiu ta dotáu con 100 euros, el segundu con 75 y el terceru con 50. Amás, los premiaos van recibir un diploma y un llibru de Nené Losada.

Había dos categoríes dientro’l concursu, de tema llibre y cuentos basaos nel Valle del Ese-Entecabos. Dientro de la primera, la ganadora foi Alexia Fernández, el segundu premiu pa Samanta Suárez y el terceru pa Mayte Fernández. Na segunda categoría el primer premiu cayó en Rubén Marqués, el segundu en Llarina Rodríguez y el terceru n’Aida Mariño.

Tamién te podria gustar