Portada Fiestes Los escanciaores, protagonistes de la XIV edición de la Fiesta la Sidra

Los escanciaores, protagonistes de la XIV edición de la Fiesta la Sidra

by asturnet

La XIV edición de la Fiesta la Sidra, que va celebrase en Xixón a lo llargo de tol fin de selmana, entama güei con una xornada dedicada al ‘escanciaor’, na que destaca’l concursu que se fai na Plaza Mayor a partir de les cinco la tarde, y l’escanciáu multitudinariu amenizáu pola banda de gaites ‘Villa de Xixón’, nel que se va batir el record mundial.

Nos Xardinos de la Reina de Xixón va tener llugar un mercadillu de la sidra y la manzana na que se van poder mercar diferentes postres, artesanía y creaciones gastronómiques que tienen que ver con estos productos. Esti mercáu va tar abiertu les 24 hores del día. A les siete de la tarde los participantes nel record mundial d’escanciáu simultáneu van empezar situase nel arenal de la playa Poniente, pa qu’a les ocho comience’l multitudinariu escanciáu.

Mañana sábadu, l’Orfeón Xixones va facer amuesa del so repertoriu de cantares típicos de chigre a partir de les nueve la nueche. Mentes que’l domingu, a les doce la mañana, y mentes dure la degustación nos puestos, fairáse entrega del ‘Tonel d’oru’. L’’Eloxu d’oru’ a la meyor sidra será a les seis y media la tarde, enantes de qu’entame l’actuación de la banda de gaites ‘Villa de Xixón’, que zarrará’l certame interpretando l’’Asturies, patria querida’.

Tamién te podria gustar