Los Erasmus asturianos baten un nuevu récord

Los Erasmus asturianos baten un nuevu récord
08 xunetu 10:10 2018 Imprimir

Los Erasmus asturianos baten un récord: Un total de 1.250 alumnos de grau de la Universidá d’Uviéu suañen con pasar un añu nel estranxeru. Eses son les solicitúes que se recibieron pa esfrutar d’una beca Erasmus el próximu cursu.

Énte eses cifres, y teniendo en cuenta que dalgunos de los que la soliciten acaben arrenunciando a l’ayuda que cofinancien la Unión Europea, el Ministeriu d’Educación y l’Universidá, el vicerrector d’Estensión Universitaria y Proyección Internacional estima qu’anguaño, «per primer vegada», podría superase la cifra del millar d’alumnos salientes.

Esti cursu fueron 872. L’anterior, 817. «Y nun hai tanto, falábamos de cifres de 600», señala Francisco Borge. «L’aspiración ye superar los mil alumnos salientes. Creo que lo vamos a consiguir», confía. Sía que non, les cifres actuales, con ente 10 y un 12% d’alumnos Erasmus salientes «ye una bona media. Movemos más que munches universidaes españoles de mayor tamañu», destaca.

Como pasu previu, los futuros Erasmus tienen qu’acreditar les sos conocencies d’idiomes con un certificáu oficial. Quien escareza d’él, puede realizar la prueba específica (n’inglés, francés, alemán, italianu y portugués) pal programa de movilidá europea que se realiza na Casa de les Llingües.

  Categories: