Los Ecoloxistes denuncien la situación del salmón nel Nalón

La Coordinadora Ecoloxista d’Asturies, llamenta otru añu más a la Conseyeria d’Agroganadería y Recursos Autóctonos del Principáu, que nun quitaren la rexes que torguen otru añu mas que casi tolos salmones que xuben pola escala del banzáu del Furacón en Trubia nel conceyu d’Uviéu, son estrayíos del rió Nalón y utilizaos en cría en cautividá pal Narcea y nun se-yos dexa apenes la friega natural.

Nun dexa de ser sorprendente pala asociación ecdoloxista asturiana que dempués de realizar la inversión de la escala de la presa, dempués de lo fecho pa desaniciar esta torga pa los salmones, el Principáu ponga tolos años les rexes dende principios de setiembre, torgando a estos pexes poder xubir agües enriba y frezar naturalmente como ellos intenten una y otra vez.

L’añu pasáu autorizárense prindar 20 salmones machos y 35 femes. Anguaño prindáronse mas de 50, y el Principáu, inda nun confirmo les cifres prindaes.

Anguaño, hubo salmones que por intentar llibrar la rexa, morrieron en tierra saltando, lo que da idega de la desidia del Principáu cola recuperación d’una especie amenaciada.

La Coordinadora reclama que’l Principáu abandone estes dudoses practiques nun ríu recuperable pa los salmones, a los que nun dexen xubir, dempués de gastar los dineros en realizar una escala piscícola que nun puede usase, porque torguen por aciu la rexa’l procesu natural.