Los docentes universitarios tendrán de solicitar y xustificar los exames presenciales

Los docentes universitarios tendrán de solicitar y xustificar los exames presenciales
11 08:37 2020 Imprimir

Les facultaes retomaron esta selmana la enseñanza ‘online’, siguiendo les instrucciones del Principáu y dalgunes de les que trabayaben col modelu presencial como la de Filosofía y Lletres y l’Escuela Politécnica de Xixón yá suprimieren les clases ‘in situ’ el 16 d’ochobre arriendes de los encamientos de Salú. Agora, les mires tán puestes nes práctiques y los exames presenciales na evaluación continua.

Los centros tendrán de xustificalos ante’l Rectoráu y Xerencia previa solicitú de los docentes. «Va Haber que ver si nun son munchos, si pueden reasitiase fora d’horariu y el pesu que tienen na nota de l’asignatura», señalaba’l director de Filosofía y Lletres, José Antonio Gómez. Nel casu de la Facultá de Comerciu, Turismu y Ciencies Sociales Xovellanos, les pruebes presenciales tendrán d’habese explicitado con anterioridá y tener un pesu del 10% na nota media, porcentaxe que tamién se tendrá en cuenta na Facultá d’Economía y Empresa pa exames presenciales «ineludibles».

Na Politécnica de Mieres tendrán de tar recoyíes como tal na guía docente y va reparase el númberu d’alumnos que pueden presentase, cuándo van tener llugar y si van interferir esi día na docencia ‘online’ de dichos estudiantes. En Formación del Profesoráu, les práctiques esternes van caltenese y la molición centrar nos exames d’avientu. La idea ye que sían presenciales.

En Medicina, va caltenese’l rotatoriu de los alumnos de sestu de Medicina polos hospitales y el practicum de los alumnos d’Enfermería y Fisioterapia. N’Enfermería de Xixón va siguir siendo presencial l’asignatura de primer curso Fundamentos d’Enfermería. Impartir en grupos de diez y n’aules grandes y ventiladas.

  Categories: