Los docentes refuguen el calendariu escolar aprobáu por Educación

El Gobiernu del Principáu aprobó recién el calendariu pal cursu 2019-2010, con pocos cambeos respecto al actual, y cola mesma situación del añú pasáu colos docentes un refugando calendariu escolar que na so opinión nun quier más que contentar a los pás y nun tien en cuenta una racionalización de los descansos ente evaluaciones.

Les clases van empezar pa Primaria’l 10 de setiembre y el 13 pa Secundaria y otres enseñances. Y amás de les clásiques vacaciones de Navidá (del 23 d’avientu al 7 de xineru), Selmana Santa (del 6 al 12 d’abril) y branu, aprobáronse dos periodos de descansu nel primera y segundu trimestre.

El primer períodu de descansu va ser ente ochobre y payares. Decidióse que sían non lectivos el 30 y 31 d’ochobre que, xuntu col festivu del 1 de payares y la fin de selmana, fai que los escolares vaigan tener un descansu de cinco díes. Daqué paecíu llograr en febreru. Van Ser non lectivos el 21, 24 y 25 de febreru. En mediu, una fin de selmana. Resultancia: otros cinco díes de descansu. Yera, al paecer, el modelu defendíu pola Federación de Padre Miguel Virgós.

Pero nin los sindicatos de la enseñanza pública nin los y les directores d’Infantil y Primaria tán d’alcuerdu. Ello ye que el sindicatu ANPE nun duldaba n’espresar ayeri’l so malestar por esti calendariu. No fondero del alderique, la vieya propuesta de los docentes d’encurtiar los periodos lectivos. Alegaron siempres motivos pedagóxicos pa tar en contra de llongures y desiguales trimestres.

Nel llau contrariu, atopense otra vuelta les families, medroses en munches ocasiones de les dificultaes pa conciliar. La propuesta que nel so día nun aprobó Asturies foi ‘adoptada’ per Cantabria, que dende fai dellos cursos cunta con cinco periodos vacaciones nel cursu. Esta vegada, tolos sindicatos, col alcuerdu de directores, defendíen que fuera non lectiva tola selmana d’antroxu, del 24 al 28 de febreru. Consiguíen ‘tascar’ esos trés díes de más dexando como lectivu’l 21 d’esi mes, el 13 d’abril, y acabando el cursu un día más tarde. Nin siquier foi posible alcordar el más mínimu cambéu.

Los docentes llamenten que la conseyería plegase dafechu a les esixencies de la federación de pás. Ente otres coses, sollerten de que’l próximu cursu va haber munchos vienres festivos, col perxuiciu que supon pa les materies que s’imparten neses xornaes. L’alderique ta, de nuevu, sirvíu.