Los docentes van entamar el cursu coles mesmes hores llectives

Los docentes van entamar el cursu coles mesmes hores llectives
23 xunetu 17:16 2018 Imprimir

Los docentes asturianos van entamar el cursu coles mesmes hores llectives sigún el Conseyeru d’Educación, colo que van siguir teniendo 20 hores docentes en llugar de les 18 que-yos corresponderien si tornaren a la situación de 2012.

Los profesores d’enseñanza Secundaria del Principáu van empezar el cursu en septiembre coles mesmes hores llectives que rixe’l real decreto llei de 2012: “Esti decretu supunxo un empeoramientu de les condiciones llaborales de el profesores, pero sigue vixente hasta ochobre, y polo tanto nun hai razón llegal que nos obligue a camudalo”, eso ye lo qu’esti día indicó’l conseyeru d’Educación y lo que fai albidrar que too va siguir igual.

Nel añu 2012, en plena crisis, el Gobiernu central aprobó un real decretu pol que los profesores pasaben a trabayar de 18 hores a 20 o 21 hores lectives según los casos. Los sindicatos pidieron al Gobiernu, que derogara esti real decretu, y retornara a lo qu’había en 2012.

“El día 30 de xunetu hai una sectorial cola ministra onde’l primer puntu enriba de la mesa ye l’estudiu de la derogación d’esti decretu y modificar otros aspeutos de la Lomce, para crear un nuevu decretu, pero a partir d’ochobre”, indicó Genaro Alonso, pero sin esclariar que quería dicir. Amás el conseyeru espresó’l so sofitu a la reivindicación de los profesores. “A pesar de que nun tengamos razones llegales pa camudalo, queremos caltener negociaciones colos sindicatos, porque consideramos que ye una reivindicación xusta, porque nun piden un amenorgamientu, sinón que piden el regresu a lo anterior, y yo como conseyeru tamién lo defendo”. Esto ye, quedamos como tábemos.

El sindicatu Comisiones Obreres, pela so parte, criticó que’l conseyeru d’Educación anunciara que ta «ansiosu» pola derogación del real decreto 14/2012, pero que va esperar pa recuperar les condiciones previes a la so aprobación, daqué que calificaron como «cinismu institucional». El sindicatu d’Enseñanza de CC OO considera una «tomadura de pelo» l’actitú del Gobiernu rexonal, «que se queda a lo cabero na reversión de los retayos, siendo adelantráu inclusive por comunidaes del Partíu Popular».

Recuperar la xornada lectiva de 18 hores, según les estimaciones de Comisiones Obreres, xeneraría 800 puestos de trabayu n’Asturies. Amás d’esta reivindicación, los sindicatos tamién demanden retomar toles midíes d’atención a la diversidá y les ratios alumnáu-profesoráu .

  Categories: