Portada Conceyos Los directores de colexos unvien decenes de duldes a Educación

Los directores de colexos unvien decenes de duldes a Educación

by redacción asturnews

Desque’l vienres pasáu’l Boletín Oficial del Principáu d’Asturies publicara les instrucciones pal nuevu cursu escolar, les duldes multiplicáronse ente los docentes y los directores de centros educativos de Xixón unviaron correos electrónicos a la Conseyería  tratando d’iguar cuestiones que precisen tener clares antes de setiembre.

Anque los centros tienen de plazu hasta’l 15 de payares pa unviar el so plan de contixencia, los alumnos vuelven a les aules el 10 de setiembre y los equipos directivos nin siquier saben con cuántos ‘grupos COVID’ van cuntar, esto ye, aules desdoblaes pa caltener la ratio de 20 dende Infantil a Primaria, nin con cuánto profesoráu de sofitu van cuntar. Amás, la nueva convocatoria d’interinos nun va ser, como llueu, hasta al 7 de setiembre.

Col serviciu d’Inspección de vacaciones, los directores de los colexos siéntense «abandonaos» y tarrecen que les duldes enllarguense hasta l’entamar de setiembre. Ente les demandes que pidieron dalgunos a conseyería ta que se dexen les extraescolares de llau dafechamente.

Tamién te podria gustar