Los descendientes de los emigrantes asturianos nel Conu Sur axúntense na busca de ser reconocíos

21 xunu 02:34 2006 Imprimir

Les descendientes de la diáspora asturiana nel Conu Sur tán acabantes de constituíse como asociación p’afondar nes rellaciones personales y culturales con Asturies, amás de p’allegase a la ‘inminente tresformación’ de la realidá de les comunidaes asturianes n’America del Sur. Con ello, l’Asturianía moza americana quier xenerar un cambiu qu’ayude a arriquecer el patrimoniu social, cultural, políticu y económicu d’Asturies n’America.

Los mozos de los Centros Asturianos de Buenos Aires y Mendoza, del uruguayu de Montevideo, de Santiago de Chile, Valparaísu y San Fernando de Chile, col apoyu del Conseyu de la Mocedá del Principáu d’Asturies, marcaron unos puntos fundacionales colos que busquen, ente otres coses, el fortalecimientu de llazos ente los integrantes de les comunidaes asturianes en Llatinoamerica; la participación con voz propia y activa nel procesu de reforma de la llei d’Asturianía prevista pa esti añu; asina como facer intercambios culturales con Asturies.

Dende’l Principáu d’Asturies y el Conseyu de Comunidaes Asturianes apoyaron l’aniciu d’esti movimientu que l’añu pasáu organizó en Mendoza un cuentru de descendientes mozos del Conu Sur y que foi tou un esitu.

  Categories:
Loading Facebook Comments ...