Los depósitos del Muséu Nacional del Prado yá tan nel de Belles Artes

Los depósitos del Muséu Nacional del Prado yá tan nel de Belles Artes
02 agostu 08:34 2022 Imprimir

Los depósitos del Muséu Nacional del Prado yá tan nel Muséu de Belles Artes d’Asturies y van poer vese ellí hasta’l próximu 30 d’ochobre.

Esta esposición recueye una selección importante d’estos depósitos que pretende amosar el papel decisivu qu’esta política de sofitu y refuerzu de les nueses colecciones per parte de la principal pinacoteca del nuesu país tuvo na crecedera y progresu de la nuesa institución, embaxo’l títulu “El Factor Prado”.

A ello alude precisamente’l términu factor presente nel títulu y qu’hai qu’entender como esa especie de circunstancia que contribúi a dar con un productu, pero tamién como esi elementu que se suma o multiplica con otru para llograr una resultancia. Y ye esti efectu multiplicador que tuvieron les aportaciones del Muséu del Prado sobro la nuesa institución, tocantes a la meyora y rellumanza de les sos colecciones, el que pretende resaltase con esta amuesa y el catálogu que lu acompaña.

Del 21 de xunetu al 30 d’ochobre de 2022

Horariu de visita:
de martes a vienres de 10:30 a 14:00 y de 16:30 a 20:30 h.
Sábados de 11:30 a 14:00 y de 17:00 a 20:00 h.
Domingos y festivos de 11:30 a 14:30 h.

  Categories: