Portada Educación “Los cuenteatros de David Acera” lleguen al Cambalache d’Uviéu

“Los cuenteatros de David Acera” lleguen al Cambalache d’Uviéu

by asturnet

El Local Cambalache d’Uviéu (na cai Martínez Vigil 30-baxu) va acoyer esti próximu sábadu 15 de febreru a les 18 hores la representación “La casa de los cuentos” de la compañía Cuentos Cunto” que dirixe l’asturianu David Acera. “La casa de los cuentos” ye una pequeña y máxica propuesta pensada pa tola familia y que yá percorrió escenarios de tola xeografía peninsular.

Amás, l’espectáculu, que pudo ser vistu na programación infantil de les pasaes fiestes de San Mateo, foi escoyíu pa participar en FETEN 2014, la prestixosa Feria Europea d’Artes Escéniques pa Neñes y Neños que se celebra en Xixón tolos años. Asina “La casa de los cuentos programará’l próximu xueves día 20 con un doble pase de mañana y tarde.

La entrada ye llibre y gratuita hasta completar l’aforu

Tamién te podria gustar