Portada Conceyos Los Coros y Dances del Grupu Cuadonga aporten a La Calzada

Los Coros y Dances del Grupu Cuadonga aporten a La Calzada

by redacción asturnews

Los Coros y Dances del Grupu Cuadonga aporten a la Playa L’Arbeyal en La Calzada esti xueves 31 d’agostu a les 20 hores p’amosar los bailles, dances y cantares que son preseos de la tradición folklórica asturiana y que lleven espardiendo pel mundu dende 1975.

El grupu Folklórico Cuadonga, proyectu impulsáu nel marcu del Real Grupu de Cultura Cuadonga, crease en 1975, siendo unu de los grupos más antiguos del conceyu y empecipiando una importante trayectoria como representantes de la cultura asturiana, col propósitu d’espublizar la cultura tradicional y el folclor d’Asturies.

Nestes décades, fueron munchos los llugares nos que’l grupu tuvo representáu pola nuesa sección de Coros y Dances y munchos los socios y socies que dedicaron una parte del so tiempu a aprender bailles, dances, cantares y a tocar preseos de la tradición folklórica asturiana.

El Grupu Cuadonga cunta con una escuela de baille na que participen persones de toles edaes, desenvolviendo actividaes rellacionaes col espardimientu del folclor tradicional, tales como enseñanza de baille y preseos tradicionales asturianos y cantar asturianu.

Monumentu Homenaxe a los Neños de la Guerra, Playa L’Arbeyal, La Calzada

31 d’agostu de 2022 a les 20:00

Tamién te podria gustar