Los concursos de cartelos y fotografíes del día de la Muyer d’Avilés rematen el 30 d’ochobre

El plazu de presentación de trabayos pal XVII Concursu de Cartelos y el XVII Concursu de Fotografía del “8 de marzu” convocáu pol Conceyu d’Avilés al traviés de la Conceyalía d’Igualdá ta abiertu hasta’l próximu 30 d’ochobre.

Los trabayos  del Concursu de Fotografía y nel Concursu de Cartelos “8 de Marzu” tendrán de presentase nel Conceyu d’Avilés-Servicios Municipales d’Igualdá (Edificiu Fueru. C/Fernando Morán, 26. Planta baxa, 33401, Avilés).

La tema central tendrá de tar rellacionáu col día que se conmemora y nel cartelu va tener que figurar la lleenda “8 de marzu Día Internacional de la Muyer”. Y van Poder participar nel concursu muyeres y homes mayores de 18 años.

Los cartelos van midir 50 x 70 (espaciu pintáu) y cada trabayu tendrá de ser orixinal o inéditu.El cartelu va dir montáu en cartón pluma, nun pudiendo presentar técniques volumétricas o otres que puedan plantegar problemes de reproducción.
Los trabayos van presentase ensin firma, figurando al envés un lema, y van apurrise xuníos nun sobre zarráu en que’l so esterior figure’l mesmu lema y nel interior una tarxeta col nome, apellíu, dirección y teléfonu del autor o autora, currículu vital y curtiu descripción de la obra. Si nel trabayu figurara la imaxe de dalguna persona en primer planu o reconocible, va axuntase tamién autorización roblada de la comenenciuda pa incluyir dicha imaxe nel cartelu y la so posterior edición.

Les persones participantes nel concursu van tener de presentar amás la siguiente documentación: certificáu expedíu pola Alministración competente d’atopase al corriente de les sos obligaciones fiscales y de la Seguridá Social. Cuidao que la cuantía del premiu a conceder nun supera los 3.000 euros, la presentación d’una declaración responsable va sustituyir a les certificaciones anteriores.

El xuráu va valora la orixinalidá de loscartelos y la so calidá artística, la calidá técnica de los mesmos y la so actualidá, asina como la trescendencia social de la mesma y el so calter innovador. El cartelu que s’afaiga más a estos criterios va recibir un premiu en metálicu de 900 euros.

Polo que cinca al Concursu de Fotografíes, la temática va ser la mesma que la del Concursu de Fotografía, los trabayos tendrán de tar rellacionaos col Día Internacional de la Muyer. Van Poder participar muyeres mayores de 18 años.

El númberu d’obres presentaes per cada autora nun va entepasar de 5 en blancu y negru y 5 en color. Nun se van almitir imaxes llograes a partir de composiciones de delles fotografíes o qu’incorporen efectos de tipu dixital. Nun va poder incluyise más d’una fotografía en cada sobre y los tamaños van tener que ser los que vienen darréu:
Blanco y negru: El soporte fotográficu va ser de 15 x 20 cm. (tamañu mínimu).
Color: El soporte fotográficu va ser de 15 x 20 cm. (tamañu mínimu).
La presentación de la fotografía va poder ser reforzada con cartulina o passepartourt de 24×30 cm a lo más.

Los criterios a valorar van ser los mesmos que nel Concursu de Cartelos y el ganador o ganadora va recibir un premiu de 600 euros en metálicu pola meyor fotografía de caúna de los dos modalidaes de les que consta’l concursu: blancu y negru, y color.