Portada Conceyos Los Conciertos d’Iviernu de la Banda Ciudá d’Uviéu entamen esti domingu nel Auditoriu

Los Conciertos d’Iviernu de la Banda Ciudá d’Uviéu entamen esti domingu nel Auditoriu

by redacción asturnews

El conceyal de Cultura, José Luis Costielles y el director de la formación, el maestru David Coláu presentaron esti xueves pela esta mañana’l ciclu Los Conciertos d’Iviernu de la Banda de Música Ciudá d’Uviéu que van entamar esti domingu, día 19, nel Auditoriu y que se compón de cinco recitales que van tener llugar, toos a les 19 hores y con entrada gratuita hasta completar l’aforu.

El presidente de la Fundación Municipal de Cultura, el conceyal José Luis Costillas presentó en rueda de prensa el ciclu de Conciertos d’Iviernu 2020 de la Banda de Música Ciudá d’Uviéu. El conceyal tuvo acompañáu del director de la formación, el maestru David Colao.

“Esti ciclu componese d’un total de cinco recitales qu’arrinquen esti domingu, a les 19 hores, nel Auditoriu, con entrada gratuita hasta completar aforu. Dende la Fundación Municipal de Cultura paeznos una gran selección musical y un bon plan para amerizar les tardes de los domingu”, especificó Costielles.

Colao desglosó’l repertoriu del programa. “El conciertu del domingu 19 va ser de música española de zarzuela, con pieces bien conocíes, un repertoriu clásicu que suel gustar enforma. El segundu, el 2 de febreru, son sobremanera actuales, nuevos estrenos fechos para bandes. El tercer conciertu, el 23 de febreru, va ser el recital cume, el más difícil para nós, con un homenaxe al Añu Beethoven (250 aniversariu de la so nacencia). El cuartu conciertu va ser cola Banda del Conservatorio Cimeru de Música d’Asturies (CONSMUPA) y codirigido pol so director, Antonio Rivera. Les dos agrupaciones van actuar xuntes nel escenariu con un repertoriu bien esixente”. El ciclu va cerrar con un recital, el 29 de marzu, “con un repertoriu más enfocáu al mundu coral”.

Tamién te podria gustar