Los conciertos del Taller presenten a Ún de Grao

Los conciertos del Taller presenten a Ún de Grao
03 ochobre 15:14 2018 Imprimir

Los conciertos del Taller presenten a Ún de Grao nel Salón d’actos el Centru de Cultura Antiguu Institutu de Xixón esti miércoles 3 d’ochobre a les 20 hores.

Ún de Grao ye’l proyectu personal de José Martínez Álvarez, guitarrista y cantante moscón afincáu en Xixón que formó parte nos últimos años d’ensame de grupos de la escena tradicional asturiana, como Pelgares, Cuchu, Corzobeyos, Duerna, La Bandina’l Bache (acompañando a Héctor Braga), Degañan’s, La Orquesta Céltica Asturiana o Dobra (grupu del gaiteru Xuacu Amieva). Con Ún de Grao ufierta una visión personal de la tonada, y d’otros palos de la música tradicional asturiana, abierta a otres visiones ya influencies. En grabando una maqueta col Taller de Músicos de Xixón, el ciclu «Los conciertos del Taller» acueye la presentación del so primer discu de llarga duración, Pelo segao, apocayá publicáu. Nél inclúyense tonaes, añaes y una habanera, con una gran variedá d’arreglos y una cuidada producción -al cargu de Xavier Mª Foks- que combina rexistros intimistes con otros más ventureros con ecos de rock y jazz.

Centru de Cultura Antiguu Institutu. Salón d’actos. Miércoles 3 d’ochobre a les 20.00 hores

José Martínez, voz, guitarra y arreglo
Xavier María Foks,tratamientu sonoru y efectos de guitarra Pepín
de Muñalén, flautes y saxo
Tony Cruz, contrabaxu

Entrada llibre hasta completar l’aforu.

  Categories: