Portada Conceyos Los Conciertos del Taller en Xixón train al grupu ‘Najaal’

Los Conciertos del Taller en Xixón train al grupu ‘Najaal’

by redacción asturnews

El Centru de Cultura Antiguu Institutu de Xixón va acoyer esti miércoles 25 de mayu de 2022 a les 19:30 hores el jazz del grupu Najaal dientro los Conciertos del Taller.

Najaal nació ensin previu avisu, nun momentu cualesquier, evidenciando una particular conexón ente los sos miembros. De magar, los sos alcuentros surden del deséu d’esquizar la composición colectiva instantánea, asumiendo y esponiéndose a tolo qu’ello implica. Tres percorríos compartíos n’otros proyectos en redol a les músiques tradicionales, les sos moliciones comunes polos llinguaxes contemporaneos que orbitan en redol a la improvisación, el jazz y les músiques modales llévenlos a empecipiar esi viaxe en dalgún momentu del añu 2018. Nabil Naïr, Javier Pérez y Alejandro d’Antonio, con una delicada escucha ya interés rítmicu, percuerren xuna estensa ya impredicible paleta de testures y emociones, en busca d’una esperiencia irremediablemente presente y que se pretende ritualizada, na que’l públicu forma parte de la espectación implícita al procesu improvisatorio. Llugar común ye’l so primer trabayu d’estudiu.

Más información: https://www.najaal.com/

 

 

Tamién te podria gustar